Om raamatidõl uma kodo,
tarõh näid sääl terveh rodo,
kasvult väigokõisi-suuri,
om nii vanembit ku nuuri.
Mõnõl nõna pikält pistü,
nailt või küsümusi küssü’,
üte’ jututada’ mõistva’,
tõõsõ’ jalki tuju nõstva’.
Viil hulga riiulidõ pääl,
latsi nimä’ uutva’ sääl,
õt sis üteh mängi’, kaia’,
tähti sõnnos kokko aia’.
Tulkõ’ küllä, tulkõ’ kaema,
tahtva’ raamatu’ nii veiga,
üteh olla, rõõmu luvva’,
näid võit eski kodo tuvva’.
Kogust “Ma saisa suurtii veereh” (2022)
leidis Tiina Sulg
Luuleleid 